जिसोरो करा देवे इस राजस्थानी भाषा की कविता पढ़े और उसके बाद अपने तीन दोस्तों को भी भेजें वे तीन और तीन को भेजेंगे। राजस्थानी होतो शेयर करें

🙏😋 'जिसोरो करा देवे' 😋🙏

'गूंदपाक' सियाळे में,
'दही-छाछ' उँधाळे में,
'चीलड़ो' बरसात में,
'डॉयफ्रूट' बारात में...जिसोरो करा देवे।

गलरको 'खीर' रो,
'कोफ़्तो' पनीर रो,
रंग केसर 'फीणी' रो,
'चूरमो' देसण चीणी रो...जिसोरो करा देवे।

रोटी 'बाजरी' री,
चटणी 'काचरी' री,
'रोटियो' भोभर(१) रो,
'बड़ो' मोठ मोगर रो...जिसोरो करा देवे।

सबड़को 'राबड़ी' रो,
स्वाद 'गुलाबड़ी' रो,
साग 'काचर फळी' रो,
मिठास 'गुड़' री डळी रो...जिसोरो करा देवे।

खुपरी 'मतीरे' री,
खुशबु 'सीरे' री,
अचार 'सांगरी केर' रो,
'भुजियो' बीकानेर रो...जिसोरो करा देवे।

'कचौड़ी' दाळ री,
''जळेबी' घाळ री,
'खीचड़ो' बाजरी मोठ रो,
मजो सावण री 'गोठ' रो...जिसोरो करा देवे।

चरकास 'कोकले'(२) रो,
रायतो 'फोगले' रो,
जायको 'खजूर' रो,
लाडू 'मोतीचूर' रो...जिसोरो करा देवे।

'दूध' घर री गाय रो,
सुर्डको गर्म 'चाय' रो,
'राजभोग' छीणे रो,
शर्बत 'केरी पोदीणे'' रो...जिसोरो करा देवे।

कतली 'बिदाम' री,
बात्यां "मारवाड़ी" री,
मीठो पत्तो 'पान' रो,
खाणो 'राजस्थान' रो...जिसोरो करा देवे।
🙏जय जय राजस्थान🙏
(१) भोभर  =  थेपड़ी रा खीरा ।
(२) कोकला = छिलके सहित काट कर
                     सुकायोडा छोटा काचर।